Aurten errepideko eta ziklo-kroseko Euskadiko txapeldun izatea lortu du Aimar Madina oñatiarrak, Aloña Mendi Ulma taldeko txirrindulariak. Uztailean lortu zuen errepideko titulua eta gaur, domeka, ziklo-krosekoa; biak gazte mailakoak.
Errepideko denboraldia amaitu zenean ziklo-krosekoan hasi zen lehiatzen oñatiarra eta emaitza onak lortu ditu hor ere. Lehen postuetan helmugaratu da lasterketa baten baino gehiagotan. Gaur Aiaran izandakoan ere bera izan da azkarrena.
Urtarrilaren 2an, Ormaiztegin, bukatuko da aurtengo ziklo-kros denboraldia.