Hasierako asmoa Olentzero eta Mari Domingi kalez kale kalejiran ibiltzea zen. Baina momentuko osasun egoera zein den ikusita, plana aldatu eta zuzenean iritsi behar ziren udaletxeko balkoira eta handik zuzendu herritarrei. Eta horrela izan da. Mari Domingi lehenago iritsi da Olentzero baino, eskaileretan gora estropezu egin baitu Olentzerok. Jende asko zegoen plazan euren zain, eta Jose de Azpiazu musika eskolako ikasleek musika eginez girotu dute bikotearen ongietorria.
Balkoitik,ordurako plazan zeuden herritarrak agurtu dituzte Olentzerok eta Mari Domingik. Datozen egunak ondo pasatzeko deseatu eta oparirik hoberena norberaren burua dela esan diete plazan zeuden umeei zein nagusiei.
Udaletxeko harrera egin ostean, auzorik auzo ibili da bikotea arrazoi bategatik edo besteagatik plazara ezin joan eta etxean dauden umeak agurtzera.
