Udaltzainek baieztatu duten moduan, 20:55ean deitu zien Ertzaintzak, Errekalde 21 atarian gas usaina zegoela esanaz. Bertaratu zirenean, hiru bizilagunek adierazi zieten egunean zehar gas usaina hartu zutela. Hara joanda zeuden suhiltzaileek gasaren arketa bat zabaltzean baieztatu zuten usain handia hartzen zela han. Errekalde auzoko 19 eta 21 atarietako bizilagunei leihoak ixteko eta kalera ez irteteko eskatu zieten udaltzainek, eta ingurua zinta batekin babestu zuten oinezkoak handik ez pasatzeko; zirkulazioa kontrako noranzkotik bideratu zuten.
Gaueko hamar térdiak inguruan gaseko teknikari bat joan zen egoera aztertzera eta arazoa balbula batetik zetorrela ikusi zuen. Errekalde 21eko bizilagunak gas barik gelditu ziren eta horrela jarraitzen dute oraindik bertako bizilagun batek GOIENAri konfirmatu dion moduan. Goizean zehar dira konpontzekoak arazoa, baina oraindik gasaren hodi jeneralak itxita daude.
