Hasiera bateran kontzejupean egiteakoak ziren biharko, abenduak 24, emanaldia, baina osasun egoera orokorra zein den ikusita, plazako frontoira pasa dute kontzertua. Bihar, beraz, plazako pilotalekuan egingo du Gabon kanten emanaldia Oñatiko musika bandak.
Hiru hitzordu ditu Oñatiko musika bandak aurtengo Gabonetarako: bihar, abenduak 24, Gabon kanten emanaldia egingo du, ohiturari jarraituz. Kontzejupean izan ordez, baina, plazako frontoian izango da, 19:00etan. Urteko azken egunean ordu berean egingo duen kalejira, oraingoz, mantendu egiten da.
Hirugarren hitzordua urtarrilaren 6ko kontzertua da. Musika Bandaren 'Gutiziak' denboraldiko bigarren kontzertua izango da: "Klasiko handiak". Zubikoa pilotalekuan izango da, 13:00etan, baina gonbidapenak aurrez hartuta joan ahal izango da. Txokolateixan har daitezke.
