Herriko hemeretzi komertzio ari dira parte hartzen Udalak antolatutako Gabonetako erakusleiho lehiaketan. Aurten ere epaimahaiak emandako sariak eta herritarrena egongo dira, eta, azken horretarako, udal webgunean sartuta eman behar da botoa.
500 euro irabaziko ditu herritarren denda gustukoenak, eta parte hartuko dutenen artean 200 euroko saria zozketatuko dute. Abenduaren 16a da botoa emateko azken eguna.
Erakusleihoen konposizioa, argiztapena, kolorea eta originaltasuna izango ditu kontuan epaimahaiak, 500, 300 eta 200 euroko hiru sari banatzeko. Joan den urtean moduan, ez da ekitaldirik egingo, komertziora bertara joango dira sariarekin eta eskura eman dendariari. Hilaren 17an izango da hori, 18:00etatik aurrera.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
