Abenduaren 18an egingo da Elkar Heziren elkartasun azoka

Oihana Elorza Gorostiza 2021ko aza. 30a, 09:49
Elkar Hezik egindako elkartasun azokan.

Talde askoren aldarrikapen, proiektu eta munduko toki ezberdinetan ekoiztutako artisautza eskainiko du azokan. Aurten, baina, arreta berezia jarriko dute etxetik, auzotik edo bailara mailan talde txikiek egindako lanari. Goiz osoan zehar egingo dute, plazan.

"Inoiz baino arrazoi gehiagorekin", Gobernuz Kanpoko Erakundeen azoka antolatu du Elkar Hezik, etenaren ostean. "Pandemiak eragindako geldiunearen ondoren, berriro ere, Oñatiko plaza beteko da talde askoren aldarrikapen, proiektu eta munduko toki ezberdinetan ekoiztutako artisautzaren kolore biziarekin".

Aurten, gainera, gertuko proiektuetan jarri gura dute arreta berezia: etxetik, auzotik edo bailara mailan talde txikiek egindako lanari. "Beraz, 0 kilometroko proiektu solidarioek, herrian errotuta eta txertatuta daudenek izango dute protagonismoa. Gure bailarako elkartasun ekosistema ezagutu eta sustatu nahi dugu. Benetan, beste gizarte eredu bat posible dela aldarrikatuko dugu, justizia sozialean oinarritzen den eredua hain zuzen ere. Bat egiten dugu agenda 2030eko aldarrikapenekin: klima aldaketa, basoen desagerpena, honetaz gain, beste hainbat gai ere jorratuko ditugu, besteak beste: migrazio fluxuak, giza eskubideen urraketa, jenero indarkeria, pobrezia energetikoa…".

 

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak