Denboraldiko lehen elurteaz gozatzeko, herritar ugari gerturatu dira goizean Arantzazura

Gauean elurra botatzen aritu ostean, zuri esnatu dira Arantzazu inguruko parajeak gaur goizean. Herritar askok aukera aprobetxatu eta elurrarekin gozatzeko asmotan bertarako bidea hartu dute gaur goizean. Errepideari dagokionez, eta elurra kentzeko makinak lanean ari diren arren, gurpil egokirik izan ezean ez igotzeko eskatu dute Oñatiko udaltzainek eta ertzainek.