"Uste dugu herri osasuntsu batek herri mugimendu indartsu eta bizi bat behar duela, eta talde moduan dugun helburu nagusietako bat da herri mugimendua indartzea eta aktibatzea". Horixe Oñatiko Ernaik atzo egindako aurkezpenean esandakoa. "Honekin lotuta, Antixena gaztetxeko proiektua beste zenbat eragilerekin aurrera ateratzea eta herriko ekimenetan parte hartzea gure eginkizunetako bat dala uste dugu". Aurrera begira zenbait gai jorratzen jarraituko dutela diote, hala nola: presoen egoera plazaratuz, borroka feminista elikatuz eta ekologismo landuz.
Atzo, zapatua, egin zuen aurkezpena Oñatiko Ernaik, Antixena gaztetxean egun osoko egitaraua prestatuz. Nondik datorren eta zein lan eta nola egiten duten azaldu zuten goizeko mahai inguruan eta ikasturte berriari begira dituen asmoen aurkezpena egin bazkal ondoren. Horren ostean musika kontzertuak izan zituzten gaztetxean: Mentertz, Gora etorri, Lizartxo eta Dj Azido. "Oso baloraziño positiboa egiten dugu. Eguna primeran joan zen, jende asko gerturatu zen. Eskerrak eman guna genieke gerturatu ziren denei eta hau posible izateko lagundu zigun gure komunitate osoari".