Txakolina egiteko mahats-uzta biltzen ibili dira Belaskuan

Oñatiko Zañartu auzoko mahastietan gora eta behera ibili dira gaurkoan, mahatsa batzen, hurrengo urtera begira botilaratuko duten txakolina prestatzen hasteko.

Apirileko izozteek kaltea egin diete Belaskua upategiko mahastiei bertako arduradun Jon Urzelaik azaldu duen bezala. Hala ere, uzta bilketarekin aurrera egin eta kaxa dezente bete dituzte gaurkoan. Oñatin egiten den txakolina, Getariako Txakolina izendapenaren barnean sartzen da, eta kostaldeko mahastiekin eta uztarekin alderatuta, pixka bat beranduago batzen dela azaldu du Urzelaik. Horrela, asteburu hau, Oñatiko jaien ondorengoa, sarritan aprobetxatzen dute, mahatsa batzeko.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.