Jose de Azpiazu musika eskolaren eskaintzaren barruan, musika goiztiarreko saioak daude. Eta, hain justu ere, saio horietan egiten dutena aurkeztu eta erakutsiko dute bihar, egubakoitza.
Arantzazu Bikuña irakaslea da saio horien gidaria, eta musika hezkuntza goiztiarraren onurak azpimarratu ditu: "Ikertzaile askok sakonki aztertu dute musika hezkuntzak umearen garapen integrala lortzen laguntzen duela, eta horretan lan egiten dugu guk ere. Umea guraso edo gertuko batekin etortzen da saioetara, eta giro polita sortzen da".
Gaur, egubakoitza, 18:30ean izango dira ate irekiak Santa Anan. Ordubete iraungo du saioak eta sarrera doakoa izango da, edukiera bete arte.
Interesa izanez gero, idazkaritza@jazpiazumusikaeskola.com helbidera idatzita eman beharko da izena ikasturtean zehar eskainiko dituzten saioetara joateko. Egubakoitzetan 18:00etatik 19:00etara eskainiko dituzte musika saio horiek.
