Urritik aurrera hasiko dira martxan Zubikoa kiroldegian antolatu dituzten ikastaroak, eta oraindik izen ematea zabalik dago, bai nagusiendako uretako ekintzetan, bai gimnasioan egingo dituztenetan.
Igerilekuan, esaterako, igeri egiten ikasteko ikastaroak ez ezik, bestelakoak ere eskainiko dituzte helduendako. Gogortasun mailaren arabera, aqua-gym, aqua-training eta aqua-power delakoak dira ikasturte honetako aukerak. Astean bi egunetan egingo dituzte, goizeko zein iluntzeko ordutegian. Gimnasioan egingo dituzte fitness ikastaroetan ere badago oraindik tokia. Pilates, oihal, body balance, fit bike, krossfit eta gimnasia hipopresibo saioak daude, esaterako, aukeran. Gehiago ere badira, eta guztien gaineko informazioa eta izen-ematea Zubikoa kiroldegian bertan eskatu edo egin daiteke.
Urriaren 8an hasiko dira ikastaroak eta egoerak agintzen duen neurri eta protokolo guztiak jarraituta egingo dira.
