Aloña Mendiko txirrindularitza sailekoek Bañosen falta igartzen dute oraindik ere, "handia" izan baitzen urteetan egin zuen lana. Hunkituta gogoratzen du taldeko kide Ruper Arkauzek: "Txirrindularitzan Aloña Mendirako lan asko egin izan duen pertsona izan da, askok uste dutena baino gehiago. Bai txirrindulari moduan egon zenean, baita zuzendari moduan izan zenean, eta gerora ere taldean laguntzen jarraitu zuen beti. Guretzako oso gogorra izan da bere galera, asko igartzen dugu bere falta. Arrasto handia utzi zigun".
Argi zuten Baños gogoan izateko zerbait egin behar zutela, eta probak bere izena eramango du aurrerantzean.
Unibertsitate etorbidean hasiko da bihar, 10:00etan, lasterketa eta eguerdi aldean amaituko da. Ulma taldeko sei txirrindularik hartuko dute parte.
