Helmugara heldu aurreko azken mendatean, Elkanon, erabaki da Euskadiko txapelketa. "Sei gindoazen ihesaldian eta ikusi dudanez gainerakoak indarrez nahiko justu zebiltzala erasoa jo eta bakarrik heldu naiz helmugara. Arantza kentzeko aukera izan dut, azken bi probetan bigarren egin nuen-eta", adierazi dio Madinak GOIENAri lasterketa bukatu eta gutxira. Bereziki mingarria izan zen Arantzazuko proban bigarren egitea, etxean garaipena lortzea berezia izango zelako. Hurrengo zita Iruñeko itzulia izango da Madinarentzat: "Hurrengo eguaztenean hasi eta hiru etapa izango dira; maila altua egongo da, kanpoko ziklistak ere egongo direlako. Lehen egunean ikusiko dugu ze helburu zehaztu dezakegun".
Gaur Zumaian jokatu den Euskadiko txapelketara itzulita, Aloña Mendi Ulma talde onena izan da. Aimar Madinaz gain, oso lan txukuna egin dute Aimar Erostarbek eta Ibai Unamunok.
