Datozen bi zapatutan, uztailaren 24 eta 31rako, Arantzazuko parketxeak Arantzazuko altxorraren bila jarduera antolatu du. Orientazioaren hastapenak jasotzeaz gain, familian jolasteko aukera izango da eta Arantzazuko ibilbide irisgarrian zehar, hainbat pista bilatzea izango du erronka.
Arantzazuko Parketxea abiapuntu, Arantzazuko altxorren bila ekimenak ordu eta erdi inguru irautea aurreikusten da eta hiru euroko prezioa izango du; 11:00etan emango zaio hasiera egitasmoari. Hala, musukoa eramatea ezinbestekoa izango da.
Izena emateko
Interesatuz gero, beharrezkoa izango da aldez aurretik izena ematea, plaza mugatuak izango baititu. Halaber, izena emateko 943 78 28 94 / 699 33 51 83 telefono zenbakiekin kontaktuan jarri, edota arantzazu@gipuzkoanatura.eus e-postara mezu bat bidali. Informazio gehiagorako: www.gipuzkoanatura.eus
