Sentsazio onak berreskuratuz indartsu hasi dute partidua Aldaik eta Osesek. Segituan hartu dute abantaila ona markagailuan. Baina, bikote gorriak pilota aldatu duenean, Laia Salsamendik neurria hartu diote lehiari, eta 10-11 hurbildu dira. Tanto batzuetan oso parekatuta ibili dira bi bikoteak, baina, Aldairi eta Osesi, hamalaugarren tantoan bukatu zaie gasolina. Amaia Aldaik tantoak azkar bukatzeko erabakia hartu du, eta hortik joan zaie partidua. 13-14 aurreratu dira urdinak, baina, Salsamendik eta Orbegozok, bederatzi tanto egin dituzte jarraian, lehia irabaziz.
Etxegarai ere, etxean
Plazaz plaza txapelketari dagokion partiduaren aurretik, Etxegarai-Galeano Berrocal-Arraiza partidua jokatu da. Maddalen Etxegarai oñatiarrak eta Leire Galeano antzuolarrak 13-18 galdu dute.
