MH2 kategorian lehiatu den bakarra izan da Joseba Azkarate oñatiarra; bere hitzetan, "lehenengo eta azken" iritsi da helmugara. Txantxak txantxa, kirolaria gustura geratu da emandakoarekin: "Bero gehiegi egin du eta fisikoki ere ahul samar sentitzen nintzen, baina pozik nago emaitzarekin".
Parte-hartzaileek 22,5 kilometrotako ibilbidea egin zuten atzo Elorrion; "proba gogorra" izan zela iritzi du oñatiarrak, baina 1:26:37ko denboran bukatu zuen. Gaurko etapa, berriz, laburtu egin behar izan dute antolatzaileek, parte-hartzaile guztiengana egokitzeko.
Azkarateren iritziz, giro aparta egon da biran, eta parte-hartzea ere apurka-apurka handitzen ari dela esan du: "Pandemiaren bukaera ikusten ari dira kirolariak". Bestetik, Ione Basterra oroitzeko ekitaldia "ederra" izan dela azaldu du.
