Aloña Mendi Kirol Elkarteko txirrindularitza sailekoek, iaz, pandemiagatik, ezin izan zuten antolatu euren lasterketa kuttunetako bat den Olakua proba. Aurten, ibilbide berri eta guzti egingo dute domekan 16:30ean.
Legazpi aldera jo beharrean, Bergara eta Arrasaterantz joan beharko dute kadete mailako txirrindulariek 63 kilometro izango dituen Olakua probako ibilbidean.
Untzilla eta Santipillau igo beharko dituzte lasterketan zehar eta bertan parte hartuko dute, herriko taldearekin, Haritz Arregi, Alex Beristain eta Markel Zubia txirrindulariek. Guztira, 120 parte-hartzaile inguru espero dituzte antolatzaileek.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
