Eguaztenean bildu ziren Stadler-eko zuzendaritzako eta langileen batzordeko ordezkariak eta "enpresak iritziz aldatu ez duelako", mobilizazioekin hastea erabaki dute langileek, enpresa komiteak jakinarazi duen moduan.
Uztailaren 8an, enpresarekin bigarren bilera egingo duten egunean, lau orduko lanuztea egingo dute, hilaren 13an -hirugarren bilera egunean- egun osokoa eta 16tik aurrera mugagabea, gauzak aurretik konpontzen ez badira. Enpresa komiteak salatu du hamabi langile kaleratu gura dituela enpresak, eta gelditzen direnei %30 murriztu soldata. Enpresak ez du adierazpenik egin gura izan oraingoz.
