Atzo, martitzena, jokatu zuten fina-erdietako partidua bi pilotari oñatiarrek eta 18-1 irabazita, finalerako sailkatu dira. Zapatuan izango da finala, Nafarroa Arenan, 12:00etan; Arraiza-Gaminde bikotea izango dute aurkari. ETBk botako du partidua, zuzenean.
Uxue Osesek eta Madalen Etxegaraik 2019an Master Cup txapelketa irabazi zuten; Zumarragan jokatu zuten finala. Pilota bigunarekin jokatu zuten orduan, eta orain, Marster Cup-eko torneo honetan, mistoarekin ari dira lehiatzen, promesa mailan.
