Domekan dira Corpus eguneko ospakizunak

Oihana Elorza Gorostiza 2021ko eka. 3a, 15:53

Gaur, ekainak 3, eguena, da Corpus eguna eta domekan egingo dira ospakizunak. Meza egingo da eguerdian San Migel parrokian eta Oñatzek Corpus dantzak egingo ditu arratsaldean plaza ondoko frontoian. Baterako zein besterako sarrerak agortuta daude.

Gaur, eguena da Corpus eguna baina azken urteetan egin ohi den moduan, domekan egingo dira ospakizunak. Prozesiorik ez da egingo aurten ere, baina joan den urtearekin alderatuta, badago berrikuntzarik: Oñatz dantza taldeak Corpus dantzak egingo ditu 18:15ean plaza ondoko frontoian domekan, eta herriko ikastetxeetan bihar, egubakoitza, goizean. Dantzak entseatzen ibili dira astean.

Corpus jaietako parte dira Oñatzeko dantzariak eta ohitura izan da, urtetan, meza nagusian ez ezik, ikastetxeetan, auzoetan eta herriko plazan Corpus dantzak dantzatzea. Joan den urtean parrokia barruan bakarrik dantzatu zuten baina aurten, herriko hiru ikastetxeetara joango dira bihar, egubakoitza, goizean eta domeka arratsaldean plaza ondoko frontoian ere dantzatuko dituzte Corpus dantzak.

Meza nagusia domekan izango da, 12:00etan. Eta dantzariak ez ezik, Corpus kofradiako kideak ere han izango dira. Mezarako zein frontoiko dantzetarako sarrerak, gonbidapenak, agortuta daude dagoeneko.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak