Ganbara Txiki taldekoak izan dira abesten lehenak. Bost abesti kantatu dituzte Aitor Biainen zuzendaritzapean eta Leire Ugarte pianoan izan dutela. Ondoren, Hots Abesbatzako kantarien txanda izan da, horiek piano-jole moduan, Amaia Zipitria izan dute. Eta azkenik, Ganbara Abesbatzakoek beste sei kantu abestu dituzte. Amaitzeko, hiru taldeetako musikariek elkarrekin abestu dute Eliza Gylkinsonek idatzitako Requiem bat. Abesti hori, 2004ko abenduko Indiako ozeanoko lurrikararen eta ondorengo tsunamiaren biktima guztien omenez egindakoa da, eta entzule askok aukeratu izan dute otoitz eta kontsolamendu abesti bezala. Bada, Ganbara Faktoriako taldeek, obra hori interpretatu dute, pandemia honetan hil diren guztien omenaldi gisa.
Musika erlijiosoak dituen ikuspuntu desberdinak erakutsi dituzte kontzertuan, eta hori nabarmentzeko, XXI. mendeko obra batzuk aukeratu dituzte: Revelation edota Dies Irae, esaterako. Horiez gain, beste garai batzuetako obrak ere eskaini dituzte.
Guztira, 100 lagun inguruk hartu dute parte parrokian eman duten kontzertuan.