Errekaldeko jai batzordeak adierazi duen moduan, lanean ibili dira aurten jaiak egin ahal izateko eta hurrengo asteburuan, maiatzaren 28an eta 29an, ospatuko dira, "ekintza sorta xume bezain erakargarria" bat prestatuta dute-eta. Zuzeneko musika kontzertuak, orientazio probak eta Julio Bikuña 'Txope' auzotarrak ateratako argazkien erakusketa egongo dira, besteak beste. Agendan dator egitarau osoa.
Egitaraua aurkeztearekin batera, jai batzordeak gogora ekarri gura izan du batzordeak aurreko jai batzuetan pairatu zuen lapurreta , eta eskerrak eman gura izan dizkie ondoan izan dituzten guztiei. Baita urtez urte babesa eskaini dieten guztiei ere: "Justiziak arrazoia eman digun arren, batzordearen egoera ekonomikoa kezkagarria da eta 2021eko jaiak ospatzeak esfortzu gehigarria eskatu digu. Bestalde, eskerrik beroenak eman gura dizuegu momentu gogor horietan elkartasuna adierazi zenuten danoi! Aupa zuek!! Eta, zela ez, eskerrak ematea urtez urte zuen babesa eskaini duzuenoi".
