Genero arrakalari etorkizunean nola erantzun eta zein bide jarraitu hausnartzeko solasaldia egingo dute iluntzean. "Egungo egoera lehendik dator. Kapitalismoa eta patriarkatua urte askotan izan dira sistemaren puntu nagusienetako bi eta horrek ekarritako ondorioetako bat da lan banaketa. Arrakala handiak hortik datoz eta horren inguruan jardungo dut nik, gaiaren ikuspegi antropologiko eta feminista bat eginez. Mirari Irurek egungo egoeraren inguruko datu batzuk emango ditu eta azkenik, Nerea Kortajarenarekin batera, etorkizunera begira jarriko gara", dio solasaldian parte hartuko duen Iraitz Agirre arrasatearrak.
Solasaldia Oñatiko EH Bilduk antolatutakoa da, 'Hamar gai hamaika berba' hitzaldi zikloaren barruan. 18:30ean hasiko da, Santa Anan, eta komeni da sarrera aurrez hartzea.