Gipuzkoako punta-puntako taldea da azpeitiarra pilotan –azken bost edizioetan lau aldiz Herriarteko Txapelketa irabazitakoa–, eta atzo Zubikoan ez zen ezustekorako aukerarik izan. Kanpokoek askoz ere jo handiagoa erakutsi zuten eta horretan oinarritu zuten euren nagusitasuna.
Langintza zaila zela aurrez ere jakin arren, gehixeago egin ezaren penarekin geratu ziren oñatiarrak. "Tanteoan denak izan ziren antzerako partiduak, baina nagusietan, behintzat, izan ziren tanto piloteatuak", zioen botilero lanetan jardun zuen Aitor Tatiegik.
Hurrengo egubakoitzean izango dira itzulerako partiduak.