Gaur egun erabiltzen den sarreratik sartu dira igerilariak, bi txandatan, talde batetik bestera bost minutuko tartea utzita. Tenperatura hartu zaie eta Gipuzkoako Federazioak emandako galdetegi bat bete behar izan dute igerilariek. Aldagelak ez dituzte erabilgarri izan, eta igerileku kanpoan talde bakoitzak bere lekua izan du; harmailak ere igerilariek erabili dituzte eta ez da publikorik egon.
Pandemiagatik, neguko ligan ez dira erreleboen probak egiten ari, baina beste proba hauek egin dituzte: estilo librean 50 eta 1.500 metro arteko probak; atzerakoan, brazan eta tximeletan 50 eta 200 metro artekoak; eta estiloetan ere lehiatu dira, 100 eta 400 metroko probetan.
Emaitzarekin pozik
Oñatiko igerilariek igerileku berria ezagutu eta bertan entrenatzen duten arren, kanpoko taldeetako igerilari eta entrenatzaileek gaur ezagutu dute igerileku berria. Azaldu dutenez hobekuntza "nabarmena" da eta aurrekoarekin alderatuz gero, "oso gustura" daudela emaitzarekin.