Egoera pandemikoagatik, gehienez 400 ume hartuko dituzte aurten udaleku irekietan baina gehiagok eman dute izena eta orain, aurrez esandako moduan, zozketa egingo dute ezarrita duten muga hori ez gainditzeko. Zozketa bihar, maiatzak 5, egingo dute eta emaitzak posta elektroniko bidez bidaliko dizkiete familiei, "lehenbailehen"; ez da zerrendarik argitaratuko.
Familien eskaerak kontuan hartuta, zozketa familiaka egingo dute. Horrela, ez da posible izango familiako haurren bat udalekuetara ezin joanda geratzea, familiako beste kideren bat doan bitartean.
Kanpoan geratzen diren familiei Oñatiko Udalak automatikoki itzuliko die izen-ematearen dirua, hamabost eguneko epean. Familiek ez dute inolako gestiorik egin beharko.
Edozein zalantza argitzeko, telefono zenbaki hau jarri dute eskura: 688 78 66 59
Ekainaren 28tik uztailaren 23ra izango dira aurtengo udaleku irekiak. Zerbitzua Haur eta Gazteria teknikariaren ardurapean egongo da baina koordinazio lana Txatxilipurdi elkarteak egingo du.
