Informa*Tu taldeak gonbidatuta dator bihar, martitzena, Cristina Martin idazle eta kazetaria, Pandemiari buruzko egia hitzaldia egitera, eta ordurako deitu dute elkarretaratzea. "Besteak beste, aldaketa klimatikoa eta pandemiaren negazionista da. Horrez gain, abortua, eutanasia, mugimendu feminista, Black Lives Matter eta etorkinen etsaia" dela diote eta "horrelako mezuak onargarriak ez direla aldarrikatzeko" egingo dute kale agerraldia bihar.
Cristina Martin "ultraeskuindarraren" hitzaldia salatzeko elkarretaratzea deitu du herritar talde batek biharko. "Horrelako mezuak, gurean, ez inon, onargarriak ez direla aldarrikatzeko" egingo dute elkarretaratzea, 18:30ean, Santa Ana parean. "Faxismoaren aurrean, mila kolore" leloarekin egingo dute.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak