Gaur goizean goiz mendira joateko asmoz jende ugari igo da Arantzazura autoz. 9:30ean itxi behar izan dute errepidea santutegirako norantzan, aparkalekuetan tokirik ez zegoelako. Trafikoko langileak parkingetara joateko bidea zabaltzen joan dira pixkanaka, aparkatuta zeuden zenbait auto Oñatirantz jaisten hastearekin batera.
Auto-ilarak murrizteko asmoz, Oñatiko Udalak orduko bi autobus jarri ditu Arantzazura igotzeko, 7:30eatik 18:30eara bitartean. Bertatik jaisteko autobus zerbitzua ere jarri du, 8:00etatik 19:00etara bitartean.
