Umeen eskola oporretan egin ohi duen moduan, datozen egun hauetan kalera atera ditu jolasak Txaloka ludotekak. Irekiak izango dira jolasak, haur guztiendako, eta ez dago aurrez izenik eman beharrik, nahikoa da ekintzak egingo dituzte tokira bertaratzea eta jolas egin gura dela esatea.
Herriko txoko ezberdinetan egingo dituzte ekintzak -plazan, San Martinen edo ur txorroten parkean adibidez- eta jolasak ere ezberdinak izango dira egun eta toki bakoitzean. Egin dituzten jolasen artean daude, esaerako: malabarak egitea, oreka jolasak, bitxigintza makarroiak erabilita, puzzleak, mural erraldoi bat edo mahai jolasak. Aste honetakoak -gaur, bihar eta etzi- arratsaldez izango dira eta Pazko Astekoak, goizez. Agendan dator zein egunetan zer eta non egingo duten.