Setem Hego Haizea GKE-ren eta Elkar Heziko ikasleen artean burututako hausnarketa prozesu baten emaitza da hori. Bide horretan aitzindari izan diren emakumeei buruz aztertu eta ikasi dute, eta zazpi euskal emakume aukeratu dituzte, emakumeek gizartean eta historian egindako lana ikusarazteko eta baloratzeko.
"Mendeetan zehar, emakumeek gure gizarteari egindako ekarpena ikusezina, mespretxatua eta ezkutatua izan da. Elkar Heziko ikasleek, idaztetik antzerkiraino doazen hizkuntza artistikoen bidez, emakume horiei balioa eman eta bizitzaren erdigunera ekarriko dituzte: plaza publikora", esan dute.
Hainbat agertoki
Antzerki ibiltaria Etxaluzen hasiko da. Ostean, Antixenan, Santa Marinan, liburutegiko lorategian, Pake Lekuko plazatxoan eta Lazarragan egingo dituzte geldialdiak. Azken gune horretan edukiera mugatua izango denez, aurrez eskatu behar da gonbidapena, 943-71 82 72 zenbakira deituta, edo WhatsApp bidez 688 621 195 zenbakira idatziz.