70 urtetik gora eta hiru laurdenak beteta ditu Joseba Arregi preso oñatiarrak. Haren eta etxekoen zein lagunen bizipenak gertutik ezagutzeko solasaldia egin zuten atzo iluntzean gaztetxean bere senideekin batera, eta gaur irteera egin dute Martutenera hainbat herritarrek.
Martxoaren 27an beteko ditu 75 urte Arregik. 29 urte daramatza espetxean; horietatik hamar Frantziakoetan egin ditu. Jaenen, Madrilen, Alacanten eta Asturiasen ere egon da preso; 2020ko urriaren 30ean eraman zuten Martutenera eta harrez gero han dago.
