Zuazola-Larraña institutuak izena aldatu du eta hemendik aurrera Oñati Bigarren Hezkuntzako Institutu Publikoa izango da (OBHI). Batez ere kanpora begira egindako aldaketa da, endredoak eta nahasmenak sortu izan direlako kokapenarekin eta identifikazioarekin. Berez, ikastetxe bakarra izan arren, bi erakinetan ematen dituzte eskolak eta eraikin bakoitzak bere izena mantenduko du. Herri barruan Zuazola eta Larraña erabiliko badira ere, kanpora begira Oñati izena erabiliko da hezkuntza publikoko herriko Bigarren Hezkuntzako Institutuari buruz aritzeko.
Ikastetxeko ordezkari organo gorenak abenduan hartu zuen izena aldatzeko erabakia eta horren berri Hezkuntza Sailari bidali. Gaurko Euskal Herriko Aldizkari Ofizialean argitaratu da izen aldaketaren baimena.