Oñatiko Txanda dendarien elkarteak otsailean egindako batzarrean onartu zuten zuzendaritzako kideen aldaketa. Bost komertzio berri sartu dira juntara: Hirukar, Marku, Umerez iturgintza, Mapfre eta D'Or. Bi urte egingo dute horiek zuzendaritzan eta eurekin batera beste urtebetez jarraituko dutenak dira: Irizar estankoa, Korosti kafe denda, Amets autoak eta Ogiberri. Zuzendaritza utzi dutenak, berriz: Sillero, Aranburu bitxitegia, Clau, Sustra eta Magdanela gasolindegia.
Egun herriko bederatzi komertzio edo zerbitzutako ordezkariak daude Txandako zuzendaritzan.
