Gustura bueltatu da Ainara Uribarri ere asteburuan elurretan egindako lanarekin. Espainiako Kopan hartu zuen parte eta hirugarren helmugaratu zen zapatuko lau kilometrotako (800m+) kronoigoeran: "Hirugarren atera nintzen, eta hirugarren bukatu. Oso ondo joan zen, bai, ondo prestatuta joan nintzen. Domekako lasterketa oso teknikoa zen eta ez nuen lan ona egingo nuen esperantza handirik, egia esan. Bajatzerakoan, elur-bisutsa zegoen eta elurraren baldintzak txarrak ziren. Bestalde, oso jaitsiera zailak ziren eta orduan erabaki nuen lasai hartzea eta minik ez hartzea. Nire lehiakideak ere gero eta urrutiago ikusten nituen, eta nire lasterketa egin nuen, lasai; bosgarrena izan nintzen amaitzen".
Uribarrik bere izenean hartu zuen parte lehiaketan, beste hiru oñatiar, berriz, Euskal Selekzioaren barruan joan ziren: Axier Alonso (senior kategorian, Uribarri moduan), Sara Arregi (18 urte azpikotan) eta Haritz Arregi (16 urte azpikotan).