Udazken-neguko Azken Txanpa izeneko azoka berezia egingo dute gaur eta bihar Txanda dendari elkarteko 23 merkatarik. Ohitura duten moduan, denda kanpora aterako dituzte beherapenekin eskainiko dituzten produktuak.
Kaleko zein barruko arropak, osagarriak, betaurrekoak edo oinetakoak, besteak beste, prezio berezietan jarriko dituzte salgai herriko hainbat dendarik bihar, egubakoitza, eta etzi. Denden ordutegi barruan eskainiko dituzte eta horrelako beste azoketan egin duten moduan, oraingoan ere erdiguneko kale komertzialetatik aparte dauden zenbait merkatarik plazara eta kale Barria aldera ekarriko dituzte euren eskaintzak. Azoka egiteko, kale Barria eta Atzeko kalea zirkulaziorako itxita egongo dira. Inguruko merkatarien atez ateko hondakin bilketa ere berrantolatu egin dute.
