2020ko balantzea 2019koa baino hobea izan da Zubillagarentzat. Fakturazioaz gain, nabarmendu dute ekoizpen ekologikoak gora egin duela: "55 tona ekologikoki ekoiztutakoak izan dira; 2019ko datuaren bikoitza". Euskal Okela jatorri izendapenarekin sailkatutako haragiari dagokionez, bestalde, 477 tona ekoitzi dituzte, eta Zatitze Gelako ekoizpena ere %31 hazi da.
Pandemiak eraginda, instalazioak egokitu zituztela azaldu dute eta zerbitzuak martxan jarraitu zuela, "bezeroen hornikuntza bermatuz" eta "tokiko komertzioei erreserbak ziurtatuz". Bestetik, adierazi dutenez, 2020an instalazioak ere moldatu zituzten eta laster estreinatuko dituzte bulego, aldagela eta bilera gela berriak.