Natur Eskola ondoko zuhaitz handienak botatzeko lanak hasiko ditu gaur goizean Tomas Sagastik, Udalak eskatuta. Haritz amerikarrak dira gehienak, tamaina handikoak. Egun eskola aldera okertuta daude, erortzeko arriskuan. Natur Eskolaren eraberritze lanak aprobetxatuz eta segurtasunari begira baina eraikinari "arnas" gehiago emate aldera, aipatu zuhaitzak bota egingo dituzte.
Gaur, martitzena, eta bihar artean egingo dituzte lan horiek eta bitartean Aldakiño itxita egongo da,07:30etik 18:00ak arte. Bidexka hori eguenean zabalduko dute berriz.