Gaur hasiko da aurtengo matrikulazio kanpaina, eta ohiko eredua moldatu egin dute ikastetxeetan. Sasoi honetan ate irekiak antolatzea zen ohitura, baina aurten, bisita pertsonalizatuek, banan-banan egingo direnek hartuko dute indar handiagoa.
Horrela izango da Elkar Hezin, adibidez, nahiz eta urte guztian eskaintzen duten bisitak egiteko aukera. Baita Txantxiku Ikastolan ere; nahiz eta hitzordu asko aurreko asterako lotuta zituzten, aukera egongo da eraikina ikusi eta euren proiektua ezagutzeko. Urgain Errekalden ere halako bisitak egingo dituzte matrikulazio kanpainak irauten duen bitartean -18tik 29ra- zapatuan egindako ate irekien jardunaldiaz gain. Zuazolan institutuan aurreko astean antolatu zituzten bisitak balizko ikasleendako eta bilera guraso berriendako.
Edozein ikastetxetan, aurrez deituta hartu behar da eguna bisita egiteko.
