Herriko artisauek Gabon aurreko urteroko zita izan dute gaur Oñatin. Hogei postu inguru izan dira, askotarikoekin, eta, eguraldia ere lagun, jende asko ibili da; salmentak ere ondo joan direla adierazi dute saltzaileek.
"Nik herrian bakarrik jartzen dut postua, baina kanpoan ere ibiltzen direnek esan ohi dute Oñatin ondo saltzen dela, jendea erostera etortzen dela", zioen saltzaileetako batek.
Eta gaur ez da salbuespena izan. Goizeko lehen orduak freskotik joan dira, baina eguerdirako hasi da giroa goxatzen, eta jendea ere bai bertaratzen, kopuru handiagoan.
Eta, esan bezala, saltzaileak gustura agertu dira egindako salmentekin.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.