Poesia emanaldia

'Pobresiak' emanaldia poesia musikatua da, zuzena, ironiaz betetakoa. Ordenagailuz jarritako musikak lagunduta (edo ez) errezitatzen dituzte Oñatiko bi anai hauek euren poesiak, umorez jantzitako kritika sozialez beteak. Gehiena euskaraz den arren, bakar batzuk gazteleraz ere badira. Poesia motzak, luzeak, txirularen soinuekin lagundurikoak, rock bertsioak, ikus-entzunezkoak... ez dute denetarik egiten, baina poesia bakoitza ezberdina izan dadin ahaleginak egiten dituzte. "Poesia gustatzen ez zaien herritarrei" dago zuzenduta.