Bi saio egingo dituzte Tartean antzerki taldeko aktoreek: eguerdiko saioa batxiler mailako ikasleendako izango da, eta iluntzekoa, herritarrendako emanaldia. 19:00etan hasiko da iluntzekoa, Santa Anan, eta sarrerak udal webgunean edo Txokolateixan eros daitezke.
Bestalde, Euskaraldian egonik, Euskararen Egunarekin bat egingo dute Ahobizi eta Belarriprest panpinek eta kalera aterako dira. Plaza inguruan ibiliko dira bihar, 16:30etik aurrera, globoak banatzen. Gainera, egun osoan, euskal musika jarriko dute eta udaletxeko balkoiko bozgorailuetatik entzungo.
