"Umore herrikoia, Oñatikoa, izango dugu ardatz, baina hemendik kanpo ere zabalduko dugu. Edozelan ere, umorea muturrera eramango dugu", zehaztu du Josu Zubia taldeko kideak.
Iker Plazaolak egingo ditu aurkezle lanak, eta beraiekin izango ditu zenbait kolaboratzaile. Gonbidatu berezia ere izango dute: Jabi Sound DJa. Zubiak aitortu du musikariari "nolabaiteko aitortza" egingo diotela saioan, bere ibilbideari errepasoa eginez –umoretik–.
Aurrera begira, Zarramarrako taldekideek azaldu dute ikuskizun gehiago egiteko asmoa dutela, "herria eta inguruak alaitzeko". Gaurko saiorako sarrerak agortuta dauden arren, Goiena telebistan izango da Zarramarra ikusteko aukera, abenduaren hasieran eskainiko dute eta saioa.