Azaroak 25 da gaur, Indarkeria Matxistaren Kontrako Nazioarteko Eguna, eta Bargastak taldeak eta herriko sare feministak antolatuta, bi ekintza egingo dituzte iluntzean: lapiko-jotzea eta elkarretaratzea.
Lapikoekin zarata atera dute, plazatik abiatu eta erdiguneko kaleetan zehar egingo duten bidean. Ibilbidean zehar, atzoko Iluntze morea-n egindako kartelak jarriko dituzte. Nork bere lapiko, zartagin edo bestelako elementua eramango du zarata ateratzeko. Plazan bukatu dute protesta, eta elkarretaratzea egingo dute segidan.
Udalak aldarrikapenekin eta antolatu diren ekintzekin bat egiten du. Bihar, eguena, egingo den azaroko ohiko osoko bilkuran udalbatzako alderdi biek adostutako adierazpen instituzionala onartu asmo dute.