Herriko Plazan egin dute hitzordua, 12:00etan, eta handik abiatu dute Korrika-ren estiloko ibilaldia. Izan bidea ekimenaren ikur den gezia erabili dute lekuko gisa, eta Olakua eta Bidaurreta pasatu ostean, berriz itzuli dira Herriko Plazara. Ehundik gora lagunek hartu dute parte, eta elkarrekin egin dute "presoen giza eskubideak aldarrikatzeko bidea".
"Gure herribidea da edo herrirako bidea. Presoak, iheslariak, etxera ekartzeko bidea. Presoen giza eskubideak aldarrikatzeko bidea, bakea, justizia, elkarbizitza. Konponbidea. Denok eskubide guztien jabe! Pausoz pauso, metroz metro. Ibili dabilen herria helduko da helmugara. Preso eta iheslariak, etxera!" aldarrikatu dute ibilaldi amaieran.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.