Plazan hasi eta bukatuko da zapatu eguerdian presoen alde Sarek antolatu duen ekimena. Korrika adibide hartuta, lekukoa eskutik eskura pasako da ibilbidean zehar; puntu ezberdinetan egongo dira herritarrak zain lekukoa hartzeko. Izan Bidea ekimenaren ikur den gezia izango da lekukoa eta mezu bat eramango du barruan, "presoen egoera eta dispertsioa" jasoko dituena. Korrika, bizikletan, patinetean zein patinetan egin daiteke martxa; mantso joango dira.
12:00etan hasiko da martxa plazan eta hauxe da egingo duten ibilbidea: Plaza-Bidaurreta-Olakua-Bidaurreta-Portalekua- Bidebarrieta-Zubikoa-Osasun zentroa-Plaza. Azken metroak, anbulatoriotik plazara bitartekoak, oinez egingo dituzte eta plazako ekitaldian geziak barruan eramandako mezua irakurriko dute.
