Ehiztari bat, 63 urteko gizonezko oñatiarra, hil da gaur goizean Araotzen, Ugastegi inguruan, bihotzekoak emanda. Ertzaintzatik adierazi dutenez, hildakoa beste lagun batekin zegoen 08:00ak aldera gaizki sentitzen hasi denean. Lagunak deitu du larrialdi zerbitzuetara eta anbulantzia medikalizatu bat, suhiltzaileak, ertzainen patruilak eta helikoptero bat eta Osakidetzako beste helikoptero bat bertaratu dira, baina ezin izan dute ezer egin eta lekuan bertan hil da bihotzeko baten ondorioz.