Arantzazuko parketxea ibilbide irisgarriaren hasiera da. Bide honetan zehar, hainbat altxor eta sekretu daude gordeta. Esku artean mapa bana hartuta, familian, hauen bila ibiliko dira partaideak paraje zoragarri batean murgildurik.
Azaroko domeketan, Arantzazuko parketxeak Arantzazuko altxorraren bila jarduera antolatu du. Honetan, orientazioaren hastapenak jasotzeaz gain, familian jolasteko aukera izango da. Arantzazuko ibilbide irisgarrian zehar, hainbat pista bilatzea izango da erronka.
Talde txikietan
Hitzordua, goizeko 11:00etan Arantzazuko parketxean da, amaiera 12:30tan izango delarik. Prezioa pertsonako 3 eurotakoa da. Izena ematea derrigorrezkoa da eta plaza mugatuak izango dira. COVID-19 osasun-prebentziorako neurriak hartuko dituzte: Talde txikian ibiliko dira, segurtasun-distantziak mantenduz, eskuak garbitzeko gel hidroalkoholikoa eramango dizkiete eta maskarila norberak eraman beharko du, beharrezkoa den kasuetan jantzita eramateko.
Izena emateko bideak
Izena emateko eta informazio gehiago jasotzeko: arantzazu@gipuzkoanatura.eus helbidera idatzi, edo, 943 78 28 94 ed 699 33 51 83 telefono zenbakietara deitu daiteke.
