Aurten ere egingo da Musikegunak egitasmoa, azaroan izango da, ohitura jarraituz. Ohikoa den moduan, domeketan izango dira emanaldiak, musika klasikoa izango dute ardatz eta aurten denak izango dira Santa Anan, 19:00etan.
42. Musikegunak, baina, badu berrikuntza bat. Aurten aukera egongo da abonamendua ateratzeko eta horrekin lau kontzertuetara joateko, sarrerak banan atera beharrean. Sarrera arrunta zortzi euro izango da eta abonamendua berriz, 25 euro. Dagoeneko eros daitezke udal webgunean edo Txokolateixan, ohi den moduan.
Egitaraua
Egitarauak Euskal Herrian biraka dabiltzan musikagileak hartzen ditu bere baitan, hainbat instrumentu eta forma musikal, espresio modu berriekin: Txistua eta pianoa, olerkia, musika eta bertsoa, saxofoia, bertso- poesía... Agendan daude emanaldi guztiak sartuta.