Iluntzean, 19:30ak eta 20:00ak bitartean jaso zuten herritar baten deia udaltzainek bere bizilagunaren etxetik kea ateratzen zela eta erre usaina hartzen zutela esanez. Udaltzainak ez ezik, ertzainak, suhiltzaileak eta anbulantzia ere gerturatu ziren Berezao auzoko baserri horretara; suhiltzaileek hainbat bizilagun desalojatu zituzten. Barrura sartu eta bertan bizi zen emakumea hilda zegoela ikusi zuten. Emakumea piztuta zuen estufa gainera erorita zegoen eta hainbat erredura zituen gorputzaren goiko aldean. 80 urte inguruko emakumea (ez 60) bakarrik bizi zen.
Ertzaintzaren esanetan autopsiaren emaitzaren zain daude heriotza zerk eragin zion zehazteko.
