HH5etik LH6ra izan ohi da eskola kirola Oñatin, baina aurten ez. Aldundiak arautu du LH1etik aurrerakoendako izango dela aurtengo ikasturtean eta Oñatin, espazio faltagatik, kanpoan gelditu dira LH6ko ikasleak. Beraz, aurten, LH1etik LH5era bitarteko gaztetxoek izango dute aukera eskola kirolean jarduteko.
Saioak ordu eta erdikoak izango dira eta taldeetan gutxienez 8 eta gehienez 20 egongo dira talde bakoitzean. Talde egonkorrak izateak garrantzia berezia izango du aurten eta ikastetxeetan bertan egingo dituzte saioak ahal den neurrian; ahal dala, gainera, kanpoko espazioetan. Horregatik, ikasle bakoitzak bere ikastetxean eman behar du izena. Urriak 23, egubakoitza, da izena emateko azken eguna. Azaroan hasiko da aurtengo eskola kirola.
Hemen dago Oñatiko eskola kirolaren protokoloa, eskola bakoitzaren egutegia eta izena emateko bidea.
